Marlene Malan het het tale – Afrikaans en Nederlands, Engels en Duits – asook vertaling aan die Universiteit van Stellenbosch gestudeer. Daarna het sy eers as taalpraktisyn gewerk, voordat sy byna drie dekades joernalis was by verskeie koerante. Nadat sy en haar eggenoot, Daniel Hugo, ’n paar jaar gelede die Kaap vir Prins Albert in die Groot-Karoo verruil het, vryskut sy voltyds as joernalis, taalversorger, vertaler en proefleser. Toe sy en haar goeie vriend, Hannes Visser, Turksvy Publikasies in die Covid-19-grendeltyd begin het, het sy geweet sy het uiteindelik tuisgekom: Dit is om haar passie vir goeie boeke en teksversorging te kombineer. In haar vrye tyd sal jy haar in haar vetplanttuin raakloop.